Yekinika motak se amatajkuil inemiliskayot Xamikel del Progreso

In sempual uan majtajti tapual metsti julio 2015, yekinika mo ixnexti inemiliskayot de nin to xolal Xamikel del Progreso uan se nechikol de amatajkuilolme itech kali kampa yetoke maseualkoneme Lic. Benito Juarez tech nin xolal uelis kalakis akin yaski, akin ki nekis ki chiuas se tekit de kaltamachtil o okse taman, amo taxtauaskej, ki nekiske ki chiuaskej se ne matajtan maj ki chiuakan uan no ijkon takan ki majti se tajtol de nej uejkau uelis kijtoskej uan ompa mo kauas itech non amatajkuilol.

Ixteno tamachtijkatayekankej de nijin maseualkoneme Celso Reyes García tayekankej de tetatme Lamirez Antonio Bonilla, Museo Amparo, tetatme den koneme de kaltamachtil Herminio Almendros, tekitini de ueyi kaltamachtil monotsa Intituto Tecnológico Superior ueyi xolal mo teneua Zacapoaxtla, Fundación Proacceso, nin tekit amo ijkon mo kauati mo chiuati okseki tataman, ijkon keme okseki netayokolilme, ka okseki tokniuan mo temak itech nej kaltamachtil kampa yetoke tepostajkuilolme, ki sojsokej ijka internet, amatajkuilolme, uan noj kampa mo euskej amatajkuilolme tojni tech tajkuiloskej, uan ikpalme kampa mo taliskej.
Mo tenexti nin tekit de nin ueyi amatajkuilol uan nochin akin ta paleuijkej ka nej tanemilil, uan yetoyaj miak tokniuan de nin to xolal.
No mo chiuak se neskayot keniu mo chiua maseual iluimej, kichiu nesentilil siuat Contzuelo Jiménez Márquez.

Taixcopinke huan takakistiltihke: Guillermo Rodríguez huan Claudia Becerril
Tayehyektalihke: Ilán Lieberman